www.XitMir.Net | Media Portal !!!

Ўзбекистонда қайси касалликлардан энг кўп ўлим ҳолати қайд этилаётгани айтилди

Админ — Tue, 23 Apr 2019 09:48:21 GMT

2019 йилнинг январь-март ойларида 37,1 мингта ўлим қайд этилган бўлиб, мос равишда 1000 аҳолига нисбатан ўлим коэффициенти 4,5 промиллени ташкил этди, 2018 йилнинг мос даврига нисбатан 0,2 промиллега камайган (2018 йилнинг январь-март ойларида 4,7 промилле бўлган). Бундан Давлат статистика қўмитаси маълумотлари дарак беряпти.

2019 йилнинг январь-март ойларида қайд этилган вафот этганларнинг 63,8%и - қон айланиш тизими касалликларидан, 9,0%и - ўсимталардан, 5,2%и - овқат ҳазм қилиш аъзолари касалликларидан, 5,1%и - нафас олиш аъзолари касалликларидан, 4,3%и - бахтсиз ҳодиса, заҳарланиш ва жароҳатланишлардан, 1,4%и - юқумли ва паразитар касалликлардан ҳамда 11,2%и - бошқа касалликлардан вафот этган.

Рўйхатга олинган 1 ёшгача вафот этган болалар сони 1,6 минг нафарни ташкил этиб, уларнинг 52,1%и - перинатал даврда юзага келадиган ҳолатлардан, 20,3%и - нафас олиш аъзолари касалликларидан, 16,0%и - туғма аномалиялардан, 2,1%и - бахтсиз ҳодиса, заҳарланиш ва жароҳатланишлардан, 2,1%и - юқумли ва паразитар касалликлардан, 0,7%и - овқат ҳазм қилиш аъзолари касалликларидан ва 6,7%и - бошқа касалликлардан вафот этган.

Zohid “Ummon” guruhini tark etdi

admin2018 — Tue, 07 Aug 2018 17:07:13 GMT

Zohid “Ummon” guruhini tark etdi

Yoshlarning sevimli guruhlaridan biri “Ummon” tarkibida o‘zgarish ro‘y berdi: guruh asoschilaridan biri Zohid uni tark etdi. Bu haqda My Day xabar bermoqda.

Guruh muxlislari bu xabarga ishonishni istamay xonandalarni ijtimoiy tarmoqlarda savollarga ko‘mib tashladi. Guruh a’zosi Shohruh ijtimoiy tarmoqdagi shaxsiy sahifalarining birida bu xabarni tasdiqlovchi izoh qoldirdi.

Foto: My Day

Ma’lumot uchun, guruh 2007-yilda tashkil topgan bo‘lib, avvaliga “Jazo” deb nomlangan, so‘ng “Ummon”ga o‘zgartirilgandi. Ilk marta 2010-yilda “Turkiston” saroyining yozgi maydonida konsert bergan.

Guruhning “Qanday unutding”, “Aldangan qiz”, “Yettinchi qavat”, “Do‘st”, “Boylik” kabi taronalari xit darajasiga ko‘tarilgandi.

Роналду 60% ҳуқуқини кимга сотганди

admin2017 — Sun, 02 Jul 2017 21:44:11 GMT

Ички кийим, пойабзал ва кийим-кечак коллекциялари — булар ҳам Роналдуга даромад олиб келади.
Унинг ҳисобига ҳар бир нарса сотилгандан сўнг 13 фоиз маблағ келиб тушади. “Pestana Hotels” компанияси келишувига асосан CR7 бренди остида меҳмонхона ҳам қуриш режаси бор. Роналдунинг даромади ҳар йили кўпайяпдики, камаймаяпти. Бренд ёрдамида ҳар йили камида 6 млн дорамад топмоқда.
Унинг шон-шуҳрати шу даражада етканки, ҳатто ФИФА уни кейинги симулятор ўйини обложкасига қўйишга қарор қилган.
Қолган даромадлар
“Castrol” билан шартномага асосан Криштиану Роналду йилига 6 млн евро олади, “Armani”дан эса бир миллион евро. У ҳатто покерда ҳам машҳурликка эришган. “Poker Stars” ўйини португалиялик юлдузга йилига 4 млн евро тўлайди. Бу ҳали ўзи хоҳлаб туриб ошкора қилинган шартномалар. Криштиану Роналду тўхтагиси йўқ, у ҳамиша олдинга ҳаракат қилиб, ўз даромадини оширишга ҳаракат қилмоқда. Яқинда унинг номига аэропорт номланди ва ҳайкал яратилди. Гарчи ҳайкал устидан бутун дунё кулган бўлсада, буларнинг ҳаммаси КриРога даромад олиб келмоқда.
Нимага у шунга лойиқ?
2017 йил Роналду “Реал” билан кетма-кет иккинчи маротаба Чемпионлар лигасида ғалаба қозонишга сазовор бўлди. У 3 та финалда гол урган биринчи футболчига айланди. Футболчи аллақачон фаолиятидаги 600-голини урди ва 4 та “Олтин тўп” қаторига яна биттасини қўшилишига жуда ҳам кам вақт қолди. Роналду майдон ичида омадли тарзда ҳаракат қилишни давом этмоқда, унинг ташқи кўриниши ва ютуқларни нишонлаши ҳатто футболга қизиқмайдиганларни ҳам ўзига чорлайди.

Лионель Месси ва Антонилла Рокуццонинг никох туйи булиб утди

admin2017 — Sun, 02 Jul 2017 21:07:31 GMT

Аргентинанинг йирик шаҳарларидан бири Росариодаги ҳашаматли меҳамонхоналардан бирида жаҳон футболи юлдузи, «Барселона» ҳужумчиси, 30 ёшли Лионель Мессининг 29 ёшли Антонелла Роккуццо билан никоҳ тўйи бўлиб ўтди. Росарио Лионель ва Антонелланинг она шаҳри ҳисобланади. Улар ёшликларидан бир-бирлари билан танишлар ва гапларга қараганда, улар орасидаги ўзаро ҳис-туйғулар болаликларидаёқ бошланган

13 ёшли Месси «Барса»нинг ёшлар жамоаси ўйинчисига айлангандан сўнг, у Аргентинани тарқ этган. «Барса» Мессининг аввалги клуби, Аргентинанинг «Ньюэллс Олд Бойз» жамоасидан фарқли тарзда, Лионелнинг бўй ўсишдаги гормон етишмаслиги билан боғлиқ даволанишини тўлаб беришга рози бўлган.
Бу орада Лео ва Антонелла бир-бирлари билан телефон орқали ва мактублар ёзиб алоқа қилиб турганлар. Кунларнинг бирида Роккуццонинг яқин дўстларидан бири йўл-транспорт ҳодисасига тушиб қолганда Месси уни қўллаб-қувватлаш учун Росариога келган. Кўп ўтмай икки ёш бир-бирлари билан учраша бошлашган. Бу эса 7 йилча аввал юз берган.

Бу орада Лео ва Антонелла икки фарзанд кўришди. Жуфтликнинг ҳозирда 4 ёшли Тьяго ва бир ёшли Матео исмли ўғиллари бор.
Никоҳга 250 га яқин меҳмон таклиф қилинди, улар орасида ёшларнинг қариндошлари, ёшликдаги дўстларидан ташқари, Леонинг клубдошлари – Неймар, Луис Суарес, Херард Пике рафиқаси – қўшиқчи Шакира билан, Карлес Пуйоль, Гонсало Игуаин ва Серхио Агуэро бўлди. Месси меҳмонларга унга ҳам, рафиқасига ҳам совғалар бермай, бунинг ўрнига унинг болаларга соғлиқни сақлаш, таълим ва спорт борасида ёрдам берувчи хайрия жамғармасига пул киритишни таклиф қилди.

Келин испан дизайнери, Ева Лонгория ва Испания қироличаси Летиция учун либослар яратган Роза Клара тайёрлаган никоҳ кўйлагида бўлди. Такидланишича, келин либоси тўй ўтган меҳмонхонага икки қўриқчи ҳамроҳлигида етказилган.
Тўйни Уругвайнинг «Ромбаи» ва «Марама» гуруҳлари, Серхио Агуэронинг рафиқаси Карина ва Шакира қиздиришди.

Тўйдаги хавфсизликни таъминлашга 350 га яқин полициячи, шунингдек тўй ўтган меҳмонхонани қўриқлаш билан шуғулланувчи қўриқлаш фирмаси жалб қилинди.

Роналдуга анча кўпроқ муддатга қамоқ жазоси таҳдид солмоқда

Admins — Fri, 26 May 2017 06:57:20 GMT

Испания молия вазирлиги солиқ
хизматининг «Реал» ҳужумчиси
Криштиану Роналдуга қўйган
айбловини қўллаб-қувватлади. Бу
ҳақда Marca хабар тарқатди .
Органларнинг ҳисоб-китобига кўра,
португалиялик футболчи 2011 йилдан
2013 йилгача 600 минг евро
миқдоридаги солиқни тўламаган,
буни эса жиноий иш сифатида қабул
қилиш мумкин. Эндиликда Роналдуга
аввал айтилганидек 4 ойлик эмас, 5
йиллик қамоқ жазоси таҳдид солади.
Молия вазирлиги қайд этишича, агар
футболчи ўз айбини тўла тан олса ва
яширилган солиқ тўлиқ ҳолда
тўланса - ҳукм юмшатилиши, қамоқ
муддати 15 ойгача камайтирилиши
мумкин. Бундан ташқари суриштирув
ишларида Роналду юристларининг
ҳаракатлари ҳам назорат остига
олиниши мумкин.
Ўтган йил кузида Германиянинг
«Шпигель» ҳафталик газетаси Football
Leaks онлайн платформасига
асосланиб, Криштиану Роналду бир
неча йиллардан буён пулларини
Виржиния оролларига қарашли
офшорларда сақлаши ва бунинг
ортидан бир неча ўн миллион евро
солиқ тўлашдан қочгани ҳақида
маълум қилганди. Тахминларга кўра,
футболчи рекламадан тушган
даромадларининг 75 миллионини
айнан офшор фирмаларга
йўналтирган.

17 йил она бўлишни орзу қилган аёл бирваракайига 6 фарзандни дунёга келтирди

Admins — Fri, 26 May 2017 06:25:42 GMT

17 йилдан бери фарзанд кўришни
орзу қилган америкалик оилада
бирваракайига 6 фарзанд дунёга
келди, деб хабар бермоқда Washington
Post нашри.
Виргиния штатидаги Ричмонд
шаҳрида яшовчи нигериялик
муҳожирлар Ажибола ва Адебойя
Тайво 11 май куни бирваракайига 3
ўғил ва 3 қизли бўлишди. Кесарча
кесиш билан ўтган туғуруқни 40
шифокордан иборат бригада қабул
қилди.
Шифокорларнинг айтишича,
ҳомиладорликнинг 30-ҳафтасида
дунёга келган эгизаклар "ўзларини
яхши ҳис қилмоқдалар ва
ривожланишда давом этмоқдалар",
бироқ ҳозирча интенсив даволаниш
палатасида шифокорлар кузатувида
қолмоқдалар. Улар қачон
чиқарилишлари муддати ноаниқ.
Эгизакларнинг онаси ўтган ҳафтада
шифохонадан чиқарилиб юборилган.
Тиббий муассаса вакилининг
айтишича, она фарзандларини
парваришлашни таъминлаш билан
машғул.
Чақалоқлардан энг кичигининг вазни
туғилганда 500 грамм, энг
каттасиники эса 1 кг дан сал кўпроқ
бўлган.
"Умид қиламанки, фарзандларимдан
энг кичиги катта бўлганда "онажон,
қаранг мен қандай миттигина эдим
ва ҳозир қандай катта бўлиб
улғайдим" дея олади", деб айтди
бахтли она. Унинг на ўзи, на турмуш
ўртоғи ва на шифокорлар матбуот
билан тўғридан-тўғри мулоқот
қилмаяптилар.
Бирваракайига 6 фарзанднинг дунёга
келиши камдан-кам учрайдиган
ҳолатдир. Бу қаҳрамонларимиз
туғилган шифохонада бу биринчи
ҳолат бўлган. Маълум қилинишича,
2015 йилда АҚШда 4 млн чақалоқ
туғилган бўлса, туғуруқлардан 24
тасида 4 ва ундан кўпроқ бола дунёга
келган.

O‘zbekiston temir yo‘llari” suv tanqisligi mavjud hududlarga ichimlik suvi yetkazish uchun Xitoydan 50 ta maxsus avtotransport xarid qildi

Админ — Sun, 22 Jan 2017 04:45:14 GMT

“O‘zbekiston temir yo‘llari” tomonidan Xitoyda ishlab chiqarilgan 25 dona Howa va 25 dona Chacman rusumli ichimlik suvni tashishga mo‘ljallangan maxsus avtotransport xarid qilindi. Bu haqda kompaniya matbuot xizmati xabar bermoqda.

Foto: “O‘zbekiston temir yo‘llari”
Foto: “O‘zbekiston temir yo‘llari”
Xabar berishlaricha, maxsus avtotransportning har biri bir vaqtning o‘zida o‘rtacha 25 tonna suvni aholiga yetkazib berish imkoniyatiga ega.

“Har bir viloyat va suv tanqisligi mavjud tumanlarda maxsus bo‘linmalar tashkil etilgan. Bundan tashqari, hududiy sanitariya-epidemiologiya nazorati markazlari bilan hamkorlik yo‘lga qo‘yilgan”, — deyiladi kompaniya axborotida.

Qayd etishlaricha, bir kunda mazkur avtotransport turi orqali 400 tonnadan ortiq ichimlik suvini o‘z manziliga yetkazib berilmoqda.

Xitoyda mehmonxonani ko‘chki bosishi tufayli 2 kishi halok bo‘ldi, 10 kishi bedarak yo‘qoldi

Админ — Sun, 22 Jan 2017 04:43:17 GMT

Xitoyda mehmonxonani ko‘chki bosishi tufayli 2 kishi halok bo‘ldi, 10 kishi bedarak yo‘qoldi. Bu haqda “RBK” xabar bermoqda.

Foto: “Sinxua”
Foto: “Sinxua”
Tog‘ moddalarining ko‘chishi 20-yanvar, juma kuni kechki payt Xubey provinsiyasida ro‘y berdi. Mehmonxonaga 3 ming kub metrdan oshiq bo‘laklar quladi. Buning oqibatida 3 qavatli bino qulab, birinchi qavat restoranidagi mijozlar qamalda qoldi.

Qutqaruvchilar vayronalar ostidan 5 kishini chiqarib oldi. Ulardan ikki nafari kasalxonada vafot etdi.

O‘zbekistonda qariyb 40 ming kishi amnistiya qilindi

Админ — Sun, 22 Jan 2017 04:41:50 GMT

O‘zbekiston Oliy Majlis Senatining 2016-yil 12-oktabrdagi amnistiya to‘g‘risidagi qarori 39 748 kishiga nisbatan amal qildi. Bu haqda Ichki ishlar vazirligi akademiyasi professori, huquqshunoslik fanlari doktori Aziz Mirzayevning “Pravda Vostoka” gazetasida chop etilgan maqolasiga tayanib, “Gazeta.uz” xabar berdi.

Foto: “Vedomosti.ru”
Foto: “Vedomosti.ru”
Jazoni o‘tashdan 5408 nafar ayol, 893 nafar yigit (ular jinoyatni amalga oshirgan vaqtida 18 yoshga to‘lmagan) va 1045 nafar 60 yoshdan oshgan erkak ozod etildi.

Amnistiya to‘g‘risidagi hujjatda birinchi va ikkinchi guruh nogironlari, shuningdek, amnistiya to‘g‘risidagi qaror kuchga kirishidan oldin kamida bir yil davomida jazo muddatini o‘tashga to‘sqinlik qiluvchi kasallikka chalingan deb topilgan shaxslarni jazodan ozod etish ko‘zda tutilgan. Ushbu bandga asosan 144 kishi amnistiya qilingan.

Amnistiya to‘g‘risidagi aktning boshqa bandlariga ko‘ra ozodlikdan mahrum etish ko‘rinishida jazo olgan mahbuslarni ozod etish yoki o‘talmagan muddatning ma’lum qismini qisqartirish nazarda tutilgan.

Шавкат Мирзиёев ўтган йилнинг ўзида 22 мингта ташкилотда жами 200 миллиард сўм ўзлаштирилганини қайд этди

Админ — Mon, 16 Jan 2017 01:33:42 GMT

14 январь куни Вазирлар Маҳкамасининг мамлакатимизни 2016 йилдаги ижтимоий-иқтисодий ривожлантириш якунларини ҳар томонлама таҳлил қилиш ҳамда республика ҳукуматининг 2017 йил учун иқтисодий ва ижтимоий дастури энг муҳим йўналишлари ва устувор вазифаларини белгилашга бағишланган кенгайтирилган мажлиси бўлиб ўтди. Унда Ўзбекистон Президенти Шавкат Мирзиёев сўзга чиқди ва бир қатор соҳалардаги камчиликларга диққатни қаратди.

"Давлат бюджети ўлчовсиз эмас, маблағларни қаттиқ тежаш, белгиланган мақсад учун ва оқилона ишлатишни таъминлаш зарур. Бу ҳаммага равшан ва рад этиб бўлмайдиган ҳақиқат. Унда нима учун Ғазначилик ва назорат-тафтиш бошқармасининг аппаратлари ҳаддан ташқари кенгайиб кетган? Уларда жами 4 минг ходим ишлайди ва бу ходимларга йилига 90 миллиард сўм маблағ сарфланади. Ушбу тузилмалар раҳбарлари ва ходимларининг чуқур тушунчасига кўра, уларнинг вазифаси фақатгина назорат қилиш ва бошқаларни жазолашдан иборат, лекин фақат қамчи ва қилич билан ижобий натижага эришиб бўлмайди. Бу нафақат хато фикр, балки бориб турган калтабинлик, деб ҳисоблайман. Бу борада профилактика ишларини ким самарали олиб боради?

Ўтган йилнинг ўзида 22 мингта ташкилотда жами 200 миллиард сўмни ўзлаштириш ва маблағларни бошқа мақсадлар учун сарфлаш ҳолатлари аниқланди. Уларнинг асосий қисми ижтимоий ташкилотларга тўғри келади.

Ана шу камчиликларни бартараф этиш тегишли вазирлик раҳбарлари билан бирга яқинда молия вазирининг биринчи ўринбосари этиб тайинланган Ж.Қўчқоровнинг фаол иш йўналиши бўлиб қолиши керак.

Республика ҳукуматининг аксарият топшириқлари белгиланган муддатларни қўпол равишда бузган ҳолда бажарилмоқда. Иш сифати ҳам кўпгина ҳолларда оқсамоқда. Шундай бўлса ҳам, уларнинг ўзига ишончи осмон даражада баланд.

Нима учун бошқа идоралар раҳбарлари давлатнинг аниқ муаммоларини ҳал этиш бўйича малакали тавсия олиш ўрнига доим қоғозбозлик ва сансоларлик ҳолатлари, шунингдек айрим вазир ўринбосарларининг баланддимоғлиги ва қайсарликлари билан тўқнашишлари керак? Нима сабабдан инсон қадр-қиммати баъзан ерга урилади? Бунга ким ҳуқуқ берган?

Нима учун Вазирлар Маҳкамасининг тармоқ департаменти мудири жиддий муаммолар бўйича юзаки тақдимот ўтказишни кунлаб ва ҳафталаб кутади, кейин эса ҳужжат қайта ишлашга қайтарилади? Нима учун бу жараёнларнинг барчасини штатдаги ёрдамчи эмас, балки чаласавод ва беандиша қабулхона инспектори белгилайди?

Ўйлайманки, ана шундай оддий бўлмаган ва муҳим саволларга аниқ ва равшан жавоб топиш вақти келди. Шу муносабат билан бош вазир А.Ариповга ва янги вазир Б.Ходжаевга бир ой муддатда Молия вазирлигининг ташкилий тузилмаси, унинг вазифа ва функцияларини тубдан қайта кўриб чиқиш бўйича аниқ таклифлар киритиш топширилади".